mabuhay! ang kagilagilalas na pakikipagsapalaran ni tambunting.

dahil may klase pa si clara at dahil hindi siya pwedeng pumasok sa loob ng classroom umupo na lamang si tambunting sa tabi ng malalaking bato sa harap ng building na pinasukan ni clara...

maraming tao. may mga papasok pa lang, may mga pauwi na. sa isip ni tambunting...

"ayos naman din palang maging pusa. paupo-upo na lang kahit saan... take note, kahit saan. minsan libre pa ang pagkain."

pero sa loob-loob ni tambunting...

"pero nakakalungkot din... hindi naman talaga ako pusa..."

sa pag-iisip-isip ni tambunting at sa paghihintay niya kay clara bigla siyang nakatulog. kawawa naman siya, wala pang tulog...

-panaginip mode start-

madilim ang lahat. isang himig ang kanyang narinig. isang himig na nagpagaan sa kanyang loob...

"tambunting..."

unti-unting minulat ni tambunting ang kanyang mata...

"tambunting..."

hinanap ni tambunting kung sino ang nagsasalita...

"nasan ba iyong nagsasalita... ang sarap ng tulog ko eh?"

tiningnan niya ang paligid...

"alam ko, maraming tao dito. bakit ngayon ako na lang?"

"tambunting..."

paglingon ni tambunting sa likod, nagulat siya at nawindang dahil nakita niya ang kanyang sarili...

"sino ka?"

"ako ay ikaw... pero unti-unti na akong nawawala."

"ano? hindi ko maintindihan."

"unti-unti nang nawawala ang katauhan ko dahil sa pagiging pusa mo. kung magpapatuloy pa ito at hindi ka pa makakabalik sa lalong madaling panahon... si tambunting ay mawawala na..."

dahil hindi maintindihan ni tambunting aka ming ming ang pinagsasabi ng kanyang sarili, sumakit ang ilong niya at nagkaroon ng nosebleed...

"dalian mo tambunting... ang oras ay hindi naghihintay kahit kanino..."

"kung ganoon ano ang dapat kong gawin?"

"bago lumubog ang araw kailangan mong makabalik sa pagiging tao... tandaan mo ang sinabi sa iyo ni bulalakaw, kailangan mong marinig ang kantang KABA ni tootsie guevarra..."

bumalik si pagkakahimlay si tambunting aka ming ming...

"tandaan mo tambunting... ang oras ay hindi naghihitay kahit kanino..."

-panaginip mode end-

"ming ming..."

nagising si tambunting aka ming ming dahil sa tinig ni clara...

---------------------------------

ano kaya ang susunod na mangyayari kay tambunting aka ming ming? makakabalik pa kaya siya sa pagiging tao o tuluyan na siyang magiging pusa habangbuhay?


itutuloy...