dahil ayaw naman ni tambunting na magmukhang KJ na pusa, lumapit na siya sa dalaga.
["sorry naman kung pangit drawing"-- secret artist (na kilala niyo na siguro)]
nakita na niya ito ng malapitan. mukha siyang dise-otso (18) o dise-nwebe (19) anyos. simple ang kanyang pananamit. mayroon siyang maamong mukha at tangkad na tama lang sa kanyang edad (hindi siya sigurado sa detalyeng yon, kase pusa siya). medyo mabagal ang kanyang pagsasalita at ang kanyang boses ay mahina pero kaaya-aya sa tenga. at, higit sa lahat, mayroon siyang malumanay na mukha.
umupo ang dalaga. nakita ni tambunting ang dalawang nangangaroling na hindi niya binigyan ng aginaldo na nasa may bukana ng pintuan.
"geom, integral, mga pinsan ko.. siya si ming-ming. nakita ko siya sa daan. nakahandusay.. hindi ko na muna tinanggal ang kanyang costume dahil bagay ito sa kanya (bumalik sa kaalaman ni tambunting na naka-two piece nga pala siya). pero teka, wag nyo muna siyang hahawakan, medyo madumi pa kasi siya."
pumasok sina geom at integral sa bahay. si integral, na siyang tiga-tambourine sa dalawa, ay nagsuot ng sampung pulseras pagpasok. si geom ay nagbukas ng pc at nagpunta sa ELEAP.
"halika, ming-ming. para bumango ka na.."
kinarga ng dalaga si tambunting. medyo nahiya siya dahil mabaho nga siya (inamoy niya pasimple ang sarili niya). isang plangganang puno ng tubig at sabon ang naghihintay sa kanya sa likod-bahay.
"dito ka muna ha.. magbabad ka.. para mabango ka na." sabay ngiti ng babae at dumiretso sa lababo para maghugas ng kamay.
habang nakalubog sa tubig-poso at nanunuot sa mr. clean, napagkabit-kabit ni tambunting ang mga nangyayari na nagdala sa kanya sa lugar na yon. dahil sa tricycle, kinabahan siya ng todo at hindi na niya natiis pa ang tiyan. sumabog ang laman nito bago siya nahimatay ("kaya siguro ako mabaho," naisip niya). dahil siguro nangamoy, hinanap ng dalaga sa bahay ang source ng bantot, at nakita siya (mas lalo siyang nahiya kase katabi niya ay.. itago nalang sa turing na "dumi ng pusa"). kinuha siya malamang ng babae at dinala sa bahay nila kaya siya napadpad dito.
ang hindi nalang niya alam ay kung saan nanggaling ang tugtog na "kaba" na narinig niya bago siya mawalan ng malay. naisip rin niya kung gano kabait ang babae dahil hindi ito nagdalawang-isip at nandiri sa kanya, and what's more, kinuha pa siya.
"ming-ming? aha. mabango ka na." naka-smile ang babae nung kinuha siya't pinunasan.
"meoow," medyo nagpa-cute si tambunting gamit ang pusa techniques niya.
"saan ka kaya galing? kawawa ka naman, siguro andami mong pinagdaanan bago ka napadpad dito. hayaan mo, hangga't kailangan mo 'ko, hindi kita pababayaan, ming-ming. masarap akong magluto! ipaghahanda kita ng masarap araw-araw kung titira ka dito. igagawa kita ng bahay, ng sarili mong kama..."
hindi na masyadong nakikinig si tambunting. nakatitig na lang siya sa babae. sapat na 'yon para masabi niyang sobrang bait ng babaeng ito. sinubukan ni tambunting ang isa pang banat at titignan niya ang magiging reaksyon ng babae..
"meoooow. meoooww.." (translation: "naku, ang buti mo naman.")
"ha? gusto mo ng gatas? sige, bukas, ming-ming. ipaghahanda kita." nakangiti nanaman ang babae.
"integral! geom! matulog na kayo. ipapatugtog ko na ang pampatulog sa inyo, kanina namimili ako e. kung "kaba" ba o etong isa. pero sige, etong isa nalang ang patutugtugin ko. hala, tulog na."
nang nakahiga na si geom at integral, pinatugtog ng babae ang "o giliw ko, miss na miss kita".
naisip nanaman ni tambunting na dito pala niya narinig ang kantang "kaba". pinatutugtog un ng babaeng 'to para makatulog ang mga pinsan niya. pero nagkataon na hindi un ang tugtog ngayon.
ipinatong ng babae sa sofa si tambunting at sinabihan ng "good night". umalis na siya at umakyat ng hagdan.
habang naka-upo sa sofa si tambunting, naisip niyang dito ang lugar kung saan maririnig niya ang kantang "kaba" para maging tao siya muli. pero, hindi na muna ngayon. tutal, medyo masaya naman siya sa mga nangyayari sa kanya.
tulog na sila. kaya! itutuloy....
***
links ng blog-arts: ang dalaga, tambunting--pusa style. :)
0 comments:
Post a Comment